برطانوی حکومت نے ورکرز کی کم از کم تنخواہ میں ایک ساتھ بڑا اضافہ کر دیا
لندن:برطانوی حکومت نے ورکرز کی کم از کم تنخواہ میں اضافہ کر دیا ہے جس کے بعد اب 21 برس سے زائد عمر کے ورکرز کی تنخواہ 4.1 فیصد اضافے کے ساتھ 12.71 پاؤنڈ فی گھنٹہ ہو گئی ہے۔
برطانوی میڈیا کے مطابق کم از کم تنخواہ میں اضافے کا اطلاق آئندہ برس اپریل سے ہوگا، تنخواہوں میں اضافے کے اعلان کے بعد اب 18 سے 20 برس کی عمر کے ورکرز کی تنخواہ 8.5 فیصد اضافے کے ساتھ 10.85 پاؤنڈ فی گھنٹہ ہوجائے گی۔
اسی طرح حکومت نے 16 اور 17 برس کے نوجوانوں کی تنخواہ 6 فیصد اضافے کے ساتھ 8 پاؤنڈ فی گھنٹہ کرنے کا فیصلہ کیا ہے، برطانوی حکام نے بتایا کہ اس فیصلے سے لاکھوں ورکرز مستفید ہوں گے۔
اس حوالے سے برطانوی چانسلر کا کہنا تھا کہ میں جانتی ہوں کہ روز مرہ کے اخراجات کام کرنے والے افراد کیلئے سب سے بڑا مسئلہ ہیں، بہت سے لوگ اب بھی گزارا کرنے میں مشکل محسوس کر رہے ہیں اسی لیے یہ تبدیلی لازمی ہے۔
