چینی کارساز کمپنی کا پاکستان میں پہلا پلانٹ لگانے کا اعلان

 نوشہرہ ورکاں (نامہ نگار)نوشہرہ ورکاں کے نواحی گاں منگوکی ورکاں کے قریب موضع سیچ کی طرف جانے والے راستے پر بھاری مقدار میں منشیات برآمد ہوئی۔ ذرائع کے مطابق ماسٹر زوالفقار احمد سندھو نے اپنے زرعی رقبہ کے جوار کے کھیت میں پڑے مبینہ پندرہ تھیلوں کو مشکوک جانا۔ جب قریب جا کر دیکھا گیا تو ان تھیلوں میں بھاری مقدار میں منشیات موجود تھی جس کی عالمی منڈی میں مالیت کروڑوں روپے بتائی جاتی ہے۔ماسٹر زوالفقار نے فوری طور پر نوشہرہ ورکاں پولیس کو اطلاع دی جس پر پولیس کی ٹیم موقع پر پہنچ گئی اور منشیات کو قبضہ میں لے لیا۔ پولیس حکام کے مطابق ابتدائی تحقیقات کے بعد مزید کارروائی شروع کر دی گئی ہے اور اس امر کا سراغ لگایا جا رہا ہے کہ بھاری مقدار میں منشیات کھیت میں کس نے اور کس مقصد کے لیے رکھی تھی اور اسے کہاں منتقل کیا جانا تھا۔اس موقع پر ڈی ایس پی سرکل عمران بیگ اور ایس ایچ او تھانہ نوشہرہ ورکاں شعیب احمد بھی نفری کے ہمراہ پہنچے۔ انہوں نے جائے وقوعہ کا تفصیلی جائزہ لیا اور پولیس کی ٹیم کو مکمل تفتیش اور ملزمان کی تلاش کے لیے ہدایات جاری کیں۔پولیس ذرائع کے مطابق منشیات کے اس بھاری ذخیرے کی برآمدگی سے علاقے میں بڑی منشیات اسمگلنگ نیٹ ورک کے امکانات کو تقویت ملی ہے جسے بے نقاب کرنے کے لیے تحقیقات کا دائرہ مزید وسیع کر دیا گیا ہے۔