نوشہرہ ورکاں(تحصیل رپورٹر )پی پی 69 کے 63 سکولوں کیلئے 30 کروڑ روپے کے فنڈز منظور کرلئے گئے ۔۔
،بتایاگیاہے کہ حلقہ پی پی 69 میں تعلیمی شعبے کی بہتری کے لیے 63 گرلز و بوائز اسکولوں کے لیے 30 کروڑ روپے کے فنڈز منظور کر لیے گئے ،ممبر صوبائی اسمبلی عرفان بشیر گجر اور مسلم لیگی رہنما عبدالرحمن گجر کا کہنا ہے کہ یہ فنڈز پنجاب کی وزیر اعلی مریم نواز کی تعلیم دوستی اور وژن کا عملی ثبوت ہیں جن سے نوشہرہ ورکاں سٹی، کھارا، نوکھر، چبہ سندھواں، اولکھ بھائی کے ، میلو ورکاں، بگا، ڈھلہ، چک چوہدری، پھلوکی، بدوکی، چک دونی چند، ببر، بھنگواں سمیت متعدد دیہات کے سکول مستفید ہوں گے منظور شدہ فنڈز سے سکولوں میں نئے کلاس رومز کی تعمیر،واش رومز کی تعمیر،فرنیچر کی فراہمی جیسے بنیادی انفرا سٹرکچر کے منصوبے مکمل کیے جائیں گے ۔عرفان بشیر گجر نے کہاکہ زیر اعلی مریم نواز کی قیادت میں حلقے میں تعلیم، صحت، سڑکوں کی تعمیر اور دیگر ترقیاتی منصوبوں پر تیزی سے کام جاری ہے عوامی خدمت ہمارا مشن ہے ۔
