جبکہ کوارٹر فائنل کے سنسنی خیز مقابلے میں عابد آباد کمبائن حافظ آباد کو فیلڈ میچ برابر رہنے پر پنالٹی شوٹ پر پانچ ،چار سے شکست دے دی۔ٹورنامنٹ کے دیگر کوارٹر فائنلز مقابلوں میں کنگ ایف سی بدورتہ نے شیخوپورہ کوچھ،پانچ ،جبکہ پرنس فٹبال کلب منگو کی ورکاں نے عثمانیہ ایف سی لاہور کو چار،دو سے شکست دیکر سیمی فائنل میں کوالیفائی کر لیا۔ نوشہرہ سائیڈ سے زوہیب،مزمل جٹ،بابر،علی رضا،ابھرتے ہوئے فارورڈ ارسل فیضان اور دیگر نے ایک ایک گول اسکور کیا۔ جب کہ فیلڈ میں زین گجر،افتخار گجر،شانی گجر،ناصر ،حسن،یونس نے بہتر کھیل کا مظاہرہ کیا۔ شائقین فٹ بال کی بڑی تعداد میچ دیکھنے کیلئے گرانڈ میں موجود تھی۔ٹورنامنٹ انتظامیہ کے مطابق ٹورنامنٹ کا بڑا میچ تھا۔ کوارٹر فائنل جیتنے پر شاہین کلب کے آفیشلز صدر یسین ارشد ،سیکرٹری جنرل ارشاد نجم ،ہیڈ کوچ پروفیسر محمد منور، منیجر افتخار چوہان ،سینئر نائب صدرحاجی محمد خاں،نائب صدر محمد حنیف، سیکرٹری فنانس محمد یوسف، انڈر 16 ٹیم منیجر میاں تنویر ،میاں عظمت اللہ ،قاسم شاہ نے کھلاڑیوں کو مبارکباد دی۔ محمد یوسف نے وننگ گول اسکور کرنے پر علی رضا کو کیش پرائز ایک ہزار جبکہ میاں تنویر نے منیجر سیٹھ مجاہد اور کوچ شہباز گجر کو پانچ ہزار کیش پرائز دیا۔ ٹورنا منٹ آرگنائز رانا شانی،عرفان چٹھہ اور رانا احمر کے مطابق ٹورنامنٹ آگنائز کرنے کا مقصد علاقہ میں فٹ بال کے کھیل کو فروغ دینے کیساتھ ساتھ تفریح مہیا کرنا ہے۔
