کنگ آف رنگ محمد علی کو دنیا سے رخصت ہوئے 9 برس بیت گئے
باکسنگ کے افق کا تابندہ ستارہ، کنگ آف رنگ محمد علی کو دنیا سے رخصت ہوئے 9 برس بیت گئے۔
عالمی شہرت یافتہ باکسر محمد علی نے کیریئر میں 61 فائٹس میں حصہ لیا اور 56 میں کامیابی حاصل کی، محمد علی نے 1964 میں دنیائے باکسنگ کے خطرناک ترین کھلاڑی سونی لسٹن کو شکست دیکر بے پناہ شہرت حاصل کی۔
جارج فورمین کو ناک آٹ کرکے 32 سال کی عمر میں باکسنگ کا عالمی ٹائٹل اپنے نام کیا، لیجنڈ باکسر کو ورلڈ باکسنگ کونسل کی جانب سے کنگ آف باکسنگ کا خطاب بھی دیا گیا۔
محمد علی نے 1964 میں اسلام قبول کیا اور اپنا نام تبدیل کر لیا، اس تبدیلی نے ان کی زندگی میں ایک نیا موڑ پیدا کیا، وہ اپنے اصولوں کے لئے کھڑے رہنے اور انسانیت کی خدمت کرنے کے جذبے کے باعث دنیا بھر میں احترام کی نظر سے دیکھے گئے۔
1967 میں انہوں نے ویتنام جنگ میں شرکت سے انکار کیا، جس کی وجہ سے ان کا ورلڈ ہیوی ویٹ ٹائٹل چھین لیا گیا اور انہیں باکسنگ سے عارضی طور پر محروم ہونا پڑا لیکن ان کے غیر متزلزل مقف نے انہیں انسانی حقوق کے لئے ایک علامت بنا دیا۔
ان کی زندگی کا آخری دور پارکنسن کے مرض سے متاثر رہا لیکن اس بیماری نے ان کی روحانی طاقت اور انسانیت کے لئے محبت کو کبھی کمزور نہیں کیا، محمد علی 3 جون 2016 کو اس دنیا سے رخصت ہو گئے مگر ان کی یادیں اور نظریات آج بھی زندہ ہیں۔
