نوشہرہ ورکاں(تحصیل رپورٹر )جنازے میں شرکت کیلئے جانیوالی فیملی حادثے کا شکار، 4 افراد شدید زخمی ہوگئے۔
بتایاگیاہے کہ اسلام آباد سے جنازہ میں شرکت کے لیے موضع ونی جانے والی فیملی کی کار ظفرآباد کے قریب موڑ کاٹتے ہوئے بے قابو ہو کر حادثے کا شکار ہو گئی اور کار سوار محمد رضا، رضوان، بلقیس بی بی اور نائلہ شدید زخمی ہو گئے ، اطلاع پرحیدر پولیس چوکی کے اہلکاروں اور مقامی راہگیروں نے زخمیوں کو فوری طور پر ٹی ایچ کیو ہسپتال منتقل کیا، جہاں سے شدیدزخمی حالت کے پیش نظر انہیں ڈسٹرکٹ ہسپتال ریفر کر دیا گیا۔صورتحال اس وقت مزید افسوسناک ہو گئی جب ٹی ایچ کیو ہسپتال کی ایمرجنسی میں زخموں کو ٹانکنے کیلئے بنیادی طبی سامان، سٹیچنگ دھاگہ تک موجود نہیں تھا۔ عملے نے بازار سے دھاگہ منگوا کر زخموں کی مرہم پٹی کی۔ عینی شاہدین نے ٹی ایچ کیو ہسپتال کی ایمرجنسی میں بنیادی سہولیات کی عدم فراہمی پر برہمی کااظہار کیا ہے ۔
