چینی کارساز کمپنی کا پاکستان میں پہلا پلانٹ لگانے کا اعلان

   دھند کے ڈیرے، لاہور ایئرپورٹ پر فلائٹ آپریشن  متاثر

لاہور ایئرپورٹ پر فلائٹ آپریشن متاثر ہوگیا، متعدد پروازوں کارخ اسلام آباد کی جانب موڑ دیا گیا، قطر ایئرلائن کی پروازبھی لاہورنہ لینڈ کر سکی، جونیئربرٹش اوپن سکواش چیمپئن سہیل عدنان قطرایئرلائن سے لاہورپہنچ رہے تھے۔

دوسری طرف حد نگاہ کم ہونے پرموٹر ویز متعدد مقامات سے بند کر دی گئی۔ موٹروے ایم2 لاہورسے کوٹ مومن، ایم3 پرلاہور سے جڑانوالہ تک داخلہ ممنوع قرار دے دیا گیا، موٹرویایم 4 پرپنڈی بھٹیاں سے فیصل آباد تک ٹریفک کی انٹری بند رہی، لاہورسیالکوٹ موٹروے ایم 11کو بھی دھند کی وجہ سے بند کر دیا گیا۔

قومی شاہراہوں پر بھی حد نگاہ کم ہوگئی، ڈرائیورزکو مشکلات کا سامنا کرنا پڑا، لاہور، گوجرانوالہ، فیصل آباد، ملتان اور دیگر شہروں میں بھی دھند کا راج رہا، ٹریفک کی روانی متاثر رہی۔

ترجمان موٹر وے پولیس نے شہریوں کو غیر ضروری سفرسے گریز کی ہدایت کردی۔