چیٹ جی پی ٹی نے کم عمر صارفین کیلئے نئے قواعد متعارف کرا دیئے
کیلیفورنیا: معروف آرٹیفیشل انٹیلیجنس کمپنی اوپن اے آئی نے 18 سال سے کم عمر صارفین کیلئے اپنے چیٹ بوٹ چیٹ جی پی ٹی میں نئے حفاظتی قواعد متعارف کرا دیئے۔
ٹیکنالوجی ویب سائٹ کے مطابق اوپن اے آئی نے اعلان کیا ہے کہ وہ ایسے نئے ضوابط نافذ کرے گا جو 18 سال سے کم عمر صارفین کیلئے چیٹ جی پی ٹی کے استعمال کو محفوظ بنائیں گے،اس دوران صارف کی عمر کا اندازہ لگایا جائے گا۔
اگر چیٹ جی پی ٹی کو محسوس ہوا کہ صارف 18 سال سے کم عمر ہے، تو وہ اسے ایک ایسے ماڈل پر منتقل کرے گا جو کم حساس موضوعات پر بات کرے گا،نئے قواعد کے بعد جنسی یا مباشرتی گفتگو اور زیرِ لب گفتگو (flirtatious talk) کم عمر صارفین کیلئے ممنوع ہوگی۔
اگر کوئی کم عمر صارف خودکشی یا روحانی دبا جیسی حالت بیان کرے گا، تو چیٹ جی پی ٹی کوشش کرے گا کہ اس کے والدین کو مطلع کرے یا شدید صورتِ حال میں مقامی حکام کو آگاہ کرے۔
اسی کے ساتھ والدین کو یہ اختیار بھی ملے گا کہ وہ بچے کیلئے بلیک آٹ گھنٹے مقرر کریں، یعنی ایسے اوقات جب چیٹ جی پی ٹی استعمال نہ ہو سکے، چیٹ جی پی ٹی کو اگر صارف کی عمر کی تصدیق میں شک ہو، تو خودکار طور پر وہ صارف کم عمر کیلئے بنائے گئے ضوابط کے تحت رکھا جائے گا، یعنی زیادہ محتاط قوانین لاگو ہوں گے۔
اوپن اے آئی کا کہنا ہے کہ نوجوان صارفین کو زیادہ حفاظت کی ضرورت ہے۔
واضح رہے کہ یہ قدم کچھ ایسے واقعات کے بعد اٹھایا گیا ہے جن میں نوجوانوں نے چیٹ جی پی ٹی کے ساتھ گفتگو کے بعد خودکشی کرنے کی کوششیں کیں یا ذہنی دبا کا شکار ہوئے، یہی وجہ ہے کہ کمپنی چاہتی ہے کہ نوجوان چیٹ جی پی ٹی کو استعمال کرنے میں محفوظ رہیں اور غیر مناسب مواد یا بات چیت سے بچیں۔
اوپن اے آئی نے مزید کہا ہے کہ والدین کے کنٹرولز اس مہینے کے آخر تک دستیاب ہوں گے۔
