مانگا منڈی میں فائرنگ سے دو افراد جان کی بازی ہار گئے
پولیس کے مطابق نامعلوم مسلح افراد نے دو نوجوانوں کو گولیاں مار دیں، جس سے دونوں افراد شدید زخمی ہو گئے، دونوں کو مقامی ہسپتال منتقل کیا گیا لیکن جانبر نہ ہوسکے، مقتولین کی شناخت ندیم اور انتظار کے نام سے ہوئی ہے، ملزمان واردات کے بعد موقع سے فرار ہو گئے۔
ابتدائی تحقیقات میں قتل دشمنی کا شاخسانہ تھا یا وجہ کچھ ہے، کچھ معلوم نہ ہوسکا، رائیونڈ پولیس نے جائے وقوعہ سے شواہد اکٹھے کر لیے مختلف زاویوں سے تفتیش شروع کردی، پولیس نے دعوی کیا ہے کہ ملزمان جلد قانون کی گرفت میں ہوں گے۔
