چینی کارساز کمپنی کا پاکستان میں پہلا پلانٹ لگانے کا اعلان

  ملک میں آئندہ 24 گھنٹے موسم سرد اور خشک رہنے کا امکان

جمعرات کو ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد رہنے کا امکان ہے۔

محکمہ موسمیات کے مطابق پنجاب کے بیشتر اضلاع، بالائی سندھ اور خیبر پختونخوا کے میدانی علاقوں میں صبح، رات کے اوقات میں درمیانی سے شدید دھند چھائے رہنے کی توقع ہے۔

رپورٹ کے مطابق آئندہ 24 گھنٹے کے دوران کشمیر اور ملحقہ پہاڑی علاقوں میں چند مقامات پر ہلکی بارش اور برفباری ہو سکتی ہے۔

محکمہ موسمیات کے مطابق آج ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد اور مطلع جزوی ابر آلود رہا تاہم شمالی بلوچستان میں چند مقامات پر بوندا باندی ہوئی۔

رپورٹ کے مطابق پنجاب کے بیشتر اضلاع اور بالائی سندھ میں درمیانی سے شدید دھند چھائی رہی۔

آج کم سے کم درجہ حرارت لہہ میں منفی 12، سکردو منفی 10، گوپس منفی 9، استور منفی7، کالام، ہنزہ، گلگت، بگروٹ منفی 5، پاراچنار، زیارت اور قلات میں منفی 4 ڈگری سینٹی گریڈ ریکارڈ کیا گیا۔