کوئٹہ (نیوز ڈیسک)بیرون ملک ملازمت کے خواہشمند پاکستانی نوجوانوں کے لیے بڑی خوشخبری آگئی، چیف منسٹر یوتھ اسکلز ڈیولپمنٹ پروگرام نوجوانوں کو قطر میں روزگار فراہم کیا جائے گا۔
تفصیلات کے مطابق وزیر اعلی بلوچستان سے قطرشاہی فیملی کے رکن شیخ طلال خلیفہ کے اے التھانی کی ملاقات ہوئی، ملاقات میں باہمی تعاون ،دلچسپی کے امور پر تبادلہ خیال کیا گیا۔
وزیر اعلی بلوچستان نے قطر شاہی وفد کو چیف منسٹر یوتھ اسکلزڈیولپمنٹ پروگرام سے آگاہ کرتے ہوئے کہا کہ 30ہزار نوجوانوں کو مختلف شعبوں کی تربیت دیکر قطر ودیگر ممالک میں بھجوائیں گے۔
سرفرازبگٹی کا کہنا تھا کہ تاریخ میں پہلی باربڑی تعدادمیں نوجوانوں کو بیرون ملک روزگار فراہم کیا جارہا ہے، نوجوان باعزت روزگار کیساتھ زر مبادلہ بھی پاکستان بھجوائیں گے، اس پروگرام سیمعاشی استحکام اور غربت میں کمی آئیگی۔
اس موقع پر شیخ خلیفہ کے اے التھانی نے کہا کہ کوئٹہ، چیف منسٹر یوتھ اسکلز ڈویلپمنٹ پروگرام خوش آئند ہے ، پروگرام کے تحت بلوچستان کے نوجوانوں کو قطر میں روزگار فراہم کریں گے۔
