لاہور (آن لائن ) پاکستان مسلم لیگ ن کی نوجوان رہنما ایم پی اے ثانیہ عاشق جبین کو وزیر اعلی پنجاب کی کابینہ میں شامل کر لیا گیا۔ وہ 2018کے عام انتخابات کے بعد بطور ینگسٹ ایم پی اے پنجاب اسمبلی کی رکن بنی ہیں۔ ثانیہ عاشق وزیر اعلی پنجاب مریم نواز کے ساتھ تقریبا ایک دہائی سے کام کر رہی ہیں۔ انہوں نے پنجاب یونیورسٹی سے ڈاکٹر آف فارمیسی کی ڈگری حاصل کر رکھی ہے۔ ثانیہ عاشق کو محکمہ سپیشل ایجوکیشن کا قلمدان سونپا گیا ہے۔
